முண்டியடித்து ஓடினோம்
முன் சீட்டில் இடம் போட
நொன்டி வந்தவருக்கோ
உட்கார இடம் கொடுத்து
பண்ணை அரிவாளும் மண்குத்தி
கடப்பாரையும் சீட்டுக்கு அடியில் போட
மண் அள்ளும் கூடையையும்
கூடைக்குமேல் மதிய உணவு தூக்குவாளியையும்
சீட்டுக்கு இடையில் சொருகி
காய்கறி மூட்டையையும்
அப்பத்தா இழுத்து வந்த இரண்டு ஆட்டையும்
நடத்துனரின் பானிபட்டு
சொல் போருக்கு பிறகு ஏற்றி
பள்ளி செல்லும்
இலவச பஸ் பாசை இடம் இருக்கும்வரை
ஒன்று விடாமல் ஏற்றிவிட்டு
இடமிருந்தும் காத்து வாங்க படியில்
தொங்கும் நண்பர்களின் உடைமைகளை
ஜன்னல் சீட்டில் வாங்கி கொடுத்தவுடன்
கண்டக்டர் ஊதுமுன்னே
கம்பியில் தொங்கும் என் நண்பன்
விசில் ஊதி போகலாம் ரைட் சொல்ல
போய் சேர்ந்தோம் கலகல பேச்சுடன்
காரியாபட்டிக்கு.
Apr 2, 2010
Subscribe to:
Post Comments (Atom)
1 comment:
nanba, its remembering the school days and home town.
great one
Post a Comment